Entreprenør og Idémakaren

Denne linja handlar om å skapa liv ut av fantasiane dine! Her får du utfolde deg som idémakar og entreprenør, for å skapa gjenstander, arrangement eller anna du måtte finne ut at du vil skape!

Er du klar for tidenes år med kreativ spenning på Stord Folkehøgskule?

  • Start di eiga studentbedrift! Her får du oppfølging gjennom eit skuleår, og anledning til å kome med ein idé eller utvikle noko heilt eige her, saman med andre i din klasse. Me vil besøke mange gründerar og bedrifter, lære om utvikling, design, marknadsføring, marknadsføring, sal og mykje meir.
  • Arranger ein festival!
    Som elev på denne linja får du vere med bak kulissene på ulike festivaler og sjå kva som skal til for å skape eit spennande arrangement. Gjennom skuleåret skal klassen arbeide med å utvikle sin heilt eigen festival og ulike arrangementer. Der de tar regien!
  • Besøk verdsleiande industri og utviklarar
    Gjennom året skal me besøke nokre av verdens fremste offshore-bedrifter. Dei som designer og lagar elektriske ferjer, flytande havvindmøller, biogass, hydrogen og alger. Du får oppleve med eigne auge korleis nyskaping blir til!
  • Personleg utvikling vil vera kjernen i linja
    Gjennom å bli utfordra og gitt mange spennande oppgåver, vil du læra om korleis organisasjonar, leiarar og styring heng saman og korleis det lause ønsket om å få til noko vert til frå idé til handling.
  • Berekraft, etikk og miljø-val
    Me lærer også om korleis samfunnet heng saman, kva som må til for å få ned klimagassutsleppa, endre miljø-skadeleg åtferd og korleis løyse desse utfordringane i kvardagen.

 



Og ikkje minst. Me skal ha det sosialt med nye vener gjennom heile skuleåret!

 

 

 

Entreprenør som mekker på verkstaden Stord folkehøgskule
Planlegger neste prosjekt, entreprenørskap Stord folkehøgskule

Søk skuleplass​

Informasjon

Generell info finn du her

Denne linja er midt i blinken for deg som vil gjere fantasi om til verkelegheit. Som vil lære å arrangere, designe og utvikle noko gøy. Om det er ein festival eller bedrift, for å få ting til å skje!

Dette vil du lære

Du vil bli utfordra i mange ulike oppgåver. Frå å løyse reelle problemer frå næringslivet til å designe og realisera heilt eigne produkt og idear.

Korleis det lause ønsket om å få noko til, går frå idé til handling.

  • Kreativitet
  • Sosialt entreprenørskap
  • Lære direkte frå verdsleiande offshore-industri
  • Etablera og drifta studentbedrifter.
  • World Cafe
  • Finne på og lage til eigne arrangement

Våre forventninger til deg

At du er nysgjerrig og har lyst å prøve noko nytt. Her kjem du til landets nyaste folkehøgskule og vil få ein herleg fleksibilitet til å påverka og utvikla ditt eige skuleår. Me vil legge til rette for at du får utfordra deg.

Du likar å prøva ut nye ting, tar ei utfordring og synst det er spennande å løysa nye problem!

Dette utstyret får du låne av skulen

Me har tilgang på svært mykje verktøy og utstyr. Som du får tilgang til som elev. Mykje finnes ute i bedriftene, og me låner det me treng. Men mykje finn me på skulen sjølv.

  • Skjærebrenner 
  • 3D-printer 
  • Alt mogeleg handverktøy 
  • CNC-brenner 
  • VR-briller 
  • Lasergravering 
  • Foliering-printer 
  • Loddestasjon 
  • Dreiebenk og sløydustyr 
  • Droner 
  • Videokamera 
  • Speilreflekskamera 
  • Symaskiner, trykkpresse 
  • og mykje meir